WATAHIT.

a dohi sakik e watahit.  Watahix la qei anax meran.

Do anax di jadih fi pao, eta ana mhana, do nax ama watahix.  Nax ama ix
hama tonal pii, nax ama ix hama fafu pii, la da watahix.  Tu ana mhanaro
do nakex di ta.  La qei ri nax baqsa.  Du tehuk e riqe.

Bu eta ana fina, do ramax tu nax ama fene, "San watahix?"  Nax wai watahix
pii, nax meme watahix pii, nax kai sa watahix pii, gam di ta.

Pee tuu ramax tu anax di haa, paa geba sa xnikah, paa la d kaweq tuhah,
poo nax geba haa musi da sili ana fina naa nake watahix naa.  Da sili la
qei geba di bawatahix dii.  Umpama macaq nax kai watahih, do musi da egu
nake rohi watahit atau esleba watahit atau exwali watahit.  Gam dii pee tu
nax wai.  Umpamanya nax wai watahix, egu nax rohi watahix tu nax wali
watahix tu nake esleba watahix.  Gam dii pee tu nax meme sa pii, nax ama
mhewax watahix pii.  Do bam geba sa kaweq tuha ana fina dii, do nax geba
haax dii musi da egu nake harta watahix dii la qei geba di da bawatahix
bal-balax dih.