Ana fina saa riqe qisin sa tehux mohe.  Riq qisin rua pi telo sa ksolix
bex-beta fi na nax wagar menano nah.  Pee tuu ana mhana saa riqe da msuka
anafina mhuka saa, paa riq rogo, paa da qei ana fina mhuka naa, paa riq
bamali-mali tu ana fina mhuka naa, ana fina qis fuu naa, ha na qisin sia
baksolix haix naa, riqe bamali toqi-toqih, paa riq maniso pa da bamali
toqi-toqi, elek e ana mhana di qei riqe moo, tuu ana mhana di qei fi di
ana fina mhuka di.  Bu riqe resex moo, riq bamali toqi-toqi, pee tuu ana
mhana dii, da puna nake pantoq paa da sindir ana fina qis fuu na fene:

Na kafa liqa lahin solin,
Na sis mara lahin pelen.
Kae ana fina qis fix solin
Do fen ka bamali pele-pele.

Repeat:
Kafa liqa lahin solin,
Na sis mara lahin pelen.
Kae ana fina qisim solin,
Ka bamali pele-pele.

Do geb naa da ruka-ruka nax roko gam mahik e, riq geba nrukax dii da dapax
esnodix eta da luax raha et-eta-etaa gebar batuux ba dihe.  Pee tuu riq
heka, pee tuu riq sindir nax roko ha di da bakuka riqe pa riq basodih eta
da baluax raha di fene:
Nax kukal anan sa gam aqa,
Da ptaho la kafana fafan.
Da kuka anato fi naa,
Pa d luax raha fanan-fanan.

Repeat:
Nax kukal anan sa gam aqa,
Da ptaho dae kafana fafan.
Da kuka anato fi naa,
Pa d lua rahax fanan-fanan.