SANANE.

Geb Bururo do du bapercaya fene Sanane.  Sanane naa do fene geba binataq
tobon.  Geba fafu tobon e, geba wadun tobon e, geba tonal tobon e, i ha na
Sanane naa.  Pee tuu la gebar ix mancari di mu-mua la du hama tonal pii,
du hama fafu pii, du hama wadun pii, ma hama geba di nax fafu saa, da tane
suran, pa fafu sa betah, paa ramax tuu Samane di do ramax tu riq eta nax
fafor fene nax fafor kiseno utuno cia pii, tu fi dae do fene supan toq tu
modan e, do riq haex nax faforo, paa supan dii, riqe epsubaro, poo da
haeko.  Gam dii pee tuu beto, paa du oli suba dii, du kaa sepo paa du oli
di riqe, riqe haeko.  Pee tu mama gam na difux saa, pi la da betax suran
pii, da betax soox pii, ramax tu xwas meden jaga kalax fene, "Hi heeee!"
Pee tuu geba mtuato fene liqa suran, tu lae Sanane nax fafu saa difux, paa
xxxxxeta na ta."  Do beta resex, tuu du liqa gam naa, poo ada fafu getex
di suran.

Bu Sanane di tobon ha di xwas meden di moo.  Cuma xwas meden naa, do gam
di oraq kedua pi oraq ketiga, gam di ta.  Gam di Snane nax faha xwanaro
pii, gam di ta.  Nax geba snioto gam di ta, paa riq jaga kalak e, bu tobon
di riqe moo.  Sanane pee.  Sanane tobon pee.

Do prede-prede-prede-predex, eta aqax saka kaku fafan e, eta ku touk e lea
wala mer-mer-mer-mer-merax ha diih, do geba mtuato fene Sanane xmas supak.
 Sanane exmasax nax wae.  Da xmas supak la d kaa.

Gam di pee tu modan-modan e.  Modan-modan sape ku iko dae pa ku touk e
lipoton bamera sax kaku fafan saka, geba mtuato fen i ha dii do Sanane
exmasax nax waero di ta.