PAQFAAT.

Paqfaax naa do ma paqfaa neten dii la fafu bara iko--la kalo qei hawa di.
Ma puna hawa la ma paqfaah la fafu bara rogo peni eta maqkaoro bamkida,
teme bara paqfaah tehux mohe, la fafor rogo la du kaa.  Dii po bisa ma
tane suran pii ma puna dodeso pii, la du beta

Sedaqkan la qei mansia, do ma paqfaa fi dii supaya gebar bara iko.  Umpama
kita ma tane neten eq naa eta da suba ax neten doo, poo kita tahu paqfaax
baa di toh tina dih.  Fi di neten di kita batane esnegen dii eta di neten
kita batane esnegen dii, kita tahu paqfaat.  Supaya kalo geba di iko, "O,
iqax tuu paqfaat eq naa!  Bara sali tu iqax tu surano pao mela a betax."
Paqfaat naa eta la qei geba, do du tahu suran lakan.  Suran lakan la
gebaro kita, fen, "O, ada paqfaat."  Neten-neten naa du paqfaah la bara
iko mela a beta suran.

Kalo qei hawa, do cuma du baexnogi bax.  La fafu, du xnogi rahex supaya
fafu bara rogo peni.