OMQAUT.

Om qaut do elmehet an sa, da newe pa rahe.  Omon an e da suba xkema-xkemax
pa msian.  Pee tuu suba saka omon luken dii poo da psaqa pa saqan rua.
Saqan rua naa, pee tuu ana fina mtuato yaq nun anat roi-roir an dii po du
eguh.  Du egu omon, paa du ol tuha gam dae, paa du suba di nun anat an di
yaq da mamba molae stori ela-ela di.  Pee tuu du hidax di fifin fene, "A
hidax om qaux naa na fifim naa la fifim mqau-mqaut e, la ku stori, do
stori mqau-mqaux, la...

At this point we came to the end of the tape.  Recommencing:

Om qaux do elmehet an saa, da sbohi pao rahe.  Omon an dii da molae suba,
do an emsian.  Pee tuu epax sax luke dii, da psaqa pa saqan rua.

Fina mtuato yaq nun anat exmeran pii, ana da ptea haix pii, da kofo haix
pii, do du eguh.  Du hisi omon tuben di fi dii, paa du oli suba dii, pee
tuu du hidax di nax anax fifin.  Fene, "A hidax naq anat an fifin la to
emqaux, la da haa, do emqau-mqaux la da stori, da hai perkara li haax, do
da stori, do da bara mtako geba.  Geba mqaa kalax, la da sade di geba
mqaa, do da bara mtako geba.  Da haa, do da stori, do da bara mtako nake
geba sa moo, la da puna geba fifi mqaut gam na kae, om qaux nah e."

Pee tuu anat an di haa, poo da kita nax finhaa fene da lancaq.

Dii sepo dih e.