OKOPANAN.

I ha na du bakaba fen oko panan naa do geba dii riqe egu nax finhaa haix
suba di huma paa da bage tuhah haik, do musi da hama nax oko panan.  Fafu
pii, manjaqan pii, da kaleli hama baraq laga ha-haax sa gam na rohix pii,
sleban pii, pokoxnya baraq laga la filin.  Da bara pkaleli tuu nake kaleli
ha betu riq baqasmori di moo, tu selama da kaweq teme da usaha fene da
dapax gam doo la da pkalelix ii dii, teme ha di ta qaan fene "oko panan."
Kalo geba huma xkema fehux dii.  Oko panan naa do da mqesa tu fafu katutux
baku moo.  Fafu katutux baku do hansi-hansiax kerek e, sedaqkan oko panan
do qei baa qasmori ha dih.  Geba ha di riq bakaweq di rahex.  Riqe rahex
yaq hama.  Geb dikat te hama nax oko panan moo.  Musi geba yaq riq kaweq
na hama oko panan di.

Dii ha di oko panan dihe.