LOPO.

Kami fi dae Buru do du jaga lopo naa, do du lopo an roin an e, tu du lopo
ana fina.

Ana fina, do gam naa nax geba haa tu nax geba mtuato kadux la du egux fi
di nax ina tu nax ama la du ol tuhah.  Du psuba ana fina dii fi di huma
dii, ana fina di suba di tohon bu da taqi tirin.  Pee tuu du baegu baa
nake siwi fokon an sa, paa du baopih, pee tuu du rapa ana fina dii
bex-beta baa di poson dih, pee tuu ana fina di glidux lalen fi di nax ina
tu nax ama.

Eta la anax anan, do du egu anax anan an pi du huke anax anan an, do suba
di huma, anax anan an di padede tirin, da nanbeta nax ina tu nax ama, pee
tuu riq taqi tirin, pee tuu sira fene, "Lopo anax naa peni."

Pee tuu du egu nake karomo nlopot an e, paa du iso poson di.  Karomon an
dii do gahun sigen e.