MEH LODAK.

Mehex naa do du eguh.  Gebaro eguh fi dii, paa la du prepax fi di nun
roko, umpama du prepax katuen sa pii, bu nax roko xrei, bu riqe sedaqkan
da perluu pentiq-pentiiq katuen naa, la d eguh la geba sa pi, nax roko sa
prepax fi di riqe, nax roko bixnima sa reqah, fen, "Geba na, ku egu naq
katuen mahi, geba.  Ku pisnimah."

Da iko suba dii, bu nax roko fene, "Jadi moo, tu ya naq katuen emsian na
ta rahek.  Ya te eguh la kae moo.  A te kfilix la kae moo."

Bu riqe emgea tu umpama na amkete reqa katuen di pii, na inkete pii, nax
wali pii, nax xxx,, xxxx katuen dii pa riqe emgea.  Pee tuu geba duan toqi
riqe nax mau la da kfilix katuen na moo.  Pee tuu da egu meh lodax naa fi
dii paa.  Da eguh teme eprede-predek da tahuh di pir boti sa lalen, pee
tuu da prihuk.  Da prihuk, da kaba nax roko qaan.  Da prihuk,  pee tuu da
iko. Da iko prede-predex gam aq naa satu kali nax roko fene, "Eh.  Ku saki
ute katuen ulaq-ulaq haik e, paa yako mgeax kae, paa a hukeh, beso ku egu
naq ii q naa."  Atau, eta da bisa batul-batuul, riqe fene, "Ku saki ute
katuen na haix ulaq-ulaq, saki baa tu katuen naa.  Ku egu rahek."

Meh lodax naa.  Jadi fi dae ada yaq jaga eg rahex gebar nun ior di ta la
du pakek.  Ii har naa meh lodax.

Eta moo do du pesnimuh nun roko nun ior dii.  Nax roko nax i xreix haan
doo, i di  reix, bu kalo du pakex ii ha q naa pa du iko qeih, du pakex meh
lodat.  Du kaba nun roko qaan, paa du prihux, teme du iko sakix suba dii
poo nax roko erux.  Pee tu da eguh.  Ada yaq nax roko nax ireix di da eguh
gam di gam dih e, atau suba dii poo nax roko erux la du pesnimuh, pee tuu
da pesnimuh.