KUSAT.

Kami fi dae do kam kaba ii sa fen "kusat."  Kusax naa do geba di egu nax
fafu saa, do nax wadu mimaa di, wadu pertama-pertama dii, baalex la olon
ha di mimaa dii, do kam kaba fen "kusat."  Kusax naa do geb dikax sa te
kaah moo, tuu musti geba yaq riqe egu fafu fi dii do riq kaah.  Umpama
macaq di huma lalen dii pee tuu nax ama eguh.  Nax finhaa bara kaah moo,
nax anax sa bara kaah moo, tuu nake ama yaq da egu fafu dii musi riqe
kaah.  Moo doo sira nunu percaya fene pamori do dapax tehux fafu sa mohe.
Gam di pee tuu fen la nax ama dii mata haik e, la emsikan baa nake ana
mhanaro dii, la nax ana mhanaro di saa egu fafu dii, gam na nax ana mhana
miqgiwa pii, nax ana mhana mendedu pii, paspelex nax ana mhana di saa egu
fafu dii, do nax roko ana mhanar geran bara kaa fafu di nax wadu mimaa ha
di baqaan fen kusax di moo.  Nax ina bara kaah moo, nax wair geran bara
kaah moo, nax fetar bu bara kaah moo.  Riq kaa nax ii.  Eta moo, do da
hama pamorix fafu, da dapax saa tehux mohe.