KATIBEGAL.

Katibegal do lagan i ha gam di dohin di.  Bu dohin emkele.  Lolikan toqi
bu lolikan da mkele.  Riqe do grahe-grahet an e.  Lae satu meter sa rahek.
 Satu meter labee rahex.  Gam di rahex.

Ramax tu fuan ampir sama gam di olox di, bu olox moo, tu olox nakex do
waen sa moo, bu ri nakex do haa eee! Waen e, wae emkala-mkalat e.

Pee tuu du eguh fi dii, paa la anax meran nake wae efnoit.  Du puhax
bex-beta oto anax meran na nake wae efnoit.  Du papu wae pa anax meran
foi, pee tuu du rihax dii, pee tuu du puhak e katibegal nake tian na,
basuhe pa rahe naa, dara tu da suhe fi pa rahe.  Pee tuu du puhax, pee tuu
du prerak e ana roi an dih.

Du foih, pee tuu du foi sepuh, pee tuu fene, "A prerak e anat an naa la
dubu-dubu-dubu la da haa gam di timun poson e, da haa gam di walu poson e,
da haa gam di beto sa balea, da haa gam di beto, da haa gamdi lea, la haa
beto, haa lea, haa gam di timun poson e, haa gam di walu poson e."

Gam di ta.  Nax prerax nah.

Du foih dii, pee tuu du foih sepo, pee tuu du prepa fene,
"Dubu-dubu-dubu-dubu-dubu eh!"  Du tahu anax di pao loyaq di wae dii, pee
tuu sira fen, "Dubu-dubu-dubu-dubu-dubu eh!  A dubu anax naa la da haa, a
foih tu la a prerax tuu wae naa la da haa gam di timun poson e, da haa gam
di walu poson e, da haa fati begal, kati begal e, gam na kae begal nah e!
La da haa gam di timun poson, gam di walu poson e, da haa gam di beto, da
haa gam di lea, la kati begal e, fati begal e, hiban bu da begal e gam di
kae, katibegal nah e!"

Note that in the preceding, an incantation is pronounced when the baby is
placed into the water and after the baby is lifted from the water.  So the
second incantation is pronounced when the child is held in the arms still
wet, before being dried off.