FIHA.

Fiha lagan gam di ien gehux dih, bu gehux di gebar sekax, fiha do ma te
sekax moox.  Sedaq ma iko juga, ma bara beta iten mo, moo do ma etex.  Ma
ogih kita tu da ete eta... kalo da kanaal na kita nan okonani.

Eta gam na gebaro la du xreix nun hawa pii, du xreix nun i laga xrei-xreix
sa gam di ta, do mam gebaro ephai pibelo tirin, do du trihix fiha na ta.
Bu du esberih tem du trihix.  Te trihix tu fahan moo, moo do iten do da
etex.  Pee tu du taqax, pee tu du siah, fen, "Iqax tu ku jaga hawa q naa
la geba sa rogo la da xnakah, do ku xgosa-xgosa-xgosa-xgosa-xgosa, la ku
kehax dii, la lalen baete rahek e gam na kae, fiha, nah e.  Lalen baete la
qei gebaro nun finhaa, gebaro nunu ana mhukaro, lea lale baete rahek e.
Da maqan boho.  Paspelex da kita geba sa bu da baaqax ledax-ledak e da
dapa hukum fi di pemerenta.  Da puna geb baut.

Dii fiha dii.