KA LAH DAQAL.

Ka lah daqal do kau sa paa lahin semun suba fi saka nhelan.  Pee tuu ana
fina huma xkemato bae ana mhana huma xkemato, do yaq nun anato du jadir
paa mamba fulan pito, fulano trua, epa-epax la du iko, anat e kofo haix
paa da ptea la d iko dii, poo du egu lahin semun di ha da basuba fisaka
nhelan di, paa du ol tuha, pee du siuk e nun anat paa du gau fahan paa da
kerek.  Pa d kere to-tota-to-tota di, pee tuudu flali kadan fene,
"Dubu-dubu-dubu-dubu-dubu-dubu-dubu-dubuh e!  A flali kadan la kadan daqa
rabu-rabu gam na kae, ka lah daqal nahe, kadan emkele rabu-rabu gamna kae
ka lah daqal nahe, la kerex-kerex-kerex-kerex-kerek e, la ku kerek
emkele-mkele gam na ka lah daqal nahe!"  Pee tuu du egu kau lah daqal di
fidii, paa du espelex saka skakut.