Yosias Tasijawa Wae Nibe Morin Father-in-law of Deki Wamese July 13, 1987 9:23 P.M. Geba bohot sa tu nax anax rua iko xnakah. Iko exnaka, eta du oli, du keha oto kira. Keha gamsaka kira, pee tu geb fena saa da xnoko. Geb fena saa xnoko, jaga eta sir telo du keha tu ua. Keha tu ua gamsaka lian. Eta sepo, du tatik e. Tatix ua, paa nax anato keha. Keha eta saka lian, nin elet, pee tu du--geb fena ni suba mohede, geba moa tatix sakix ua, paa nax anax saa soo ixnaan. Fale sepu ixnaan, da tatix sakix ua la nax anax keha. Na anax keha mohede, geb fena ni kadux. Pee tu geb fena ni geda, paa--fi qina aqa, paa da pese xdii geba mua ni anan, paa da pamau. Da pamau gamdii, tu geb mua ni fale nax anax tu ua. Faleh eta rete, geb fena ni da narax gampao. Terus gamnii, tu da basah. Da basa pkawah, paa da banewe hede, tu da pamau fen, "Fale kooo! Fale koo!" Pee mahi geb fena ni pese xdii nax anax, faleh e, da tatih. Da hesax mampoh moo, da tatih. Da tati, da mao, "Ku tati kooo! Ku tati kooo!" Pee tu da tatih. Geb mua ni tatih. Tatih gampao eta sepo, tam geb fena nii sgeda, "Fale ko!" Fale, da tewa mo, da faleh, da fale geb fena ni. Eta da puda gamsaka nax elex, tam da basa geba rua an tu da sekar toqi. Pee tu sira rua rete po mata, nax anax po mata, pee tu riq toho sakix tu ua, paa da olih. Gamnii saja. Yosias Tasijawa Wae Nibe Morin Father-in-law of Deki Wamese Selwadu July 13, 1987 Papua. Jadiii gebar an xboro samaskali, du iko tuha nin waga, hama halawa (a mollusc) la masi. Du iko halawa, du defo nin befak sandiri, breman fidi nini kampoq ro-roin. Gamnii, tu du halawa, du oli. Du iko tu waga rua-rua eta du oli taun-taun. Bati eta waga mtau-mtau. Pee tu haqan saa, nin ana piara, geba poan, geba xdoi-xdoin an, pee tu rine, betu gamnii, rine tita mqarex rua. Rine tita emqarex rua, *****, eta du tewa baa laleno mohe! Ie ni, nax ina kadu. Halawan e ina kadu. Na halawan nax ina kadu, da reruh fildi tita ni turen kadu turen, da rero samaskali! Po geba naa, piatu naa, geba ana poan e naa, da perfoni, pa da oto. Da bawana. Terus bia nii da tola sakix, pa da iko lau masi. Da oli lawe nax elet. Halawa ni da oli sakix lawe nax elet. Da oli lawe nax elet, eta dawa rete gamnii, terus geba poan e naa da bina lha sira, da bina, "kimi, i na kim tewa moo, tapi ie sa karu nalax. Ie na nax ina kadu, pa da rero sepu kimi, kimi te hai. Kim tewah mo." Be, "Ou! Ka i exdoin e, ka tewa sapan? Kae, ku totah. Ka geba exdoin, kae tewa mo. Sedaq kami po kam tewah mo, fina kae!" Ri bina, "Lebebae kim preqe yako!" Be, "Ee! Kami preqe beta kae mo!" Terus iko. Kira dawa rete, du iko mancari satu ika pee. Du iko hama halawa. Hama et-et-et-et-eta du oli, du karaja mapu, pa du kaa sepo, keha ine. Keha ine, halawan da kadux sakix mahi, da reru samaskali sira, tita taun rua ni sepu miti-miti! Terus da sebo sakix la masin, da iko tuha. Pee ni pe sira tewa mohe. Sira tor aki halawa tian podin haik. Terus dawa rete, nin amar hama qei sira kutewabedo*****. Ilaq samaskali haik! Halawan da iko eta da kadux bual anan saa, terus luluh dae exmaqin. Luluh oto exmaqin gamnii, tuha fina k-kaa-geba rua sia du toho fildi kaku iko halawa pee. Toho fildi kaku kadu mahi, du toux beta--da tine oto halawa ni tian podin, beta da mqaqa oto masin--luluh oto masin tean gamnii. Da mqaqa, terus fina rua ni tine aki naa, du mansia, geba halu-haluu, tor aki naa tau! Tuha da kore nax tau, da bina, "Kita nani hamanan gosax ta naa!" Terus nax tau kadux mahi, da bina, "Aa! Naa kita na senaq! Susa kita mohe!" Tuha du fae geba. Fae fidi halawe tian podin. Fae mansia butun ni samaskali, tu du egoro du defo dae kaku. Dae nin bana baopi, dae kaku mala ilaq tola. Du banewe. mahi fina rua di mancari fini-finii, du oli, du paka sira. Tapi du tine aki fina rua nin huma lalen, lai dikax sa mo, tu lai mansia sasaja. Lai geba sa-saja! Geba fina rua naa kaa geba. (Tapi ya carita naa laha breman. Geba na nax ien lahih mo.) Terus sira rua du janji laha nax ana piara Butun, du bina, "Kam iko naa, beto rua maneha kam oli. Kimi defo tu kam nam huma, e?" Terus sira rua iko, defo hamanan la sira, du kaah, tu du karaja. Du lata waga. Lata waga, tapi kau lopan du ptaho oto tibil bagox-bagox samaskali. Du lata sepo waga kalaar, du bina, "O, geba fina rua naa du kaa geba, jadi kita eta ma heka mo, du kaa kita. A, rete-rete eta sira ine eta du faqo, ilaq geba emsian haix. Ni waktu fina rua ni ta oto. Ilaq mansia emsian haix. do sira manyimpaq--lata waga nii pa du heka. lata, fina rua nii pahi na du oli,terus sira--ran a q keha waga, pa du iko. Sai qei nin bual. Sai tu du lea tibil bagox-bagoto nii oto nin waga. Kau klaba ni. Lea gamnii, tuha fina rua nii du oli kadux mahi, tu du usu, du sigi fina rua ni nin huma. Sigi huma, pa bana da opix fina rua ni oto oto kaku brema-breman, du bina, "Eee! Du sigi kita nan huma haix! Kita nan anax piara du sigi kita nan huma haix!" Tu gamni fina rua ni bina, "Oo! Gam pa ran an sigi ni pa aqa ma kadu aqa.!" Du tifo. Fina rua ni tifo baa. Kadu mahi, sira eta lawe masin haix. Toho waga haix, tu nin kau-kaur loba. Kadu mahi tuha sira tou waga dae*****. Fina rua ni sabo kadu masin, du tou waga daelotanyana. Men, "Oo, pahi naa kita pese teba sira!" Fina kesan. Tuha sira naqo. Sabo taga. Naqo sabu taga waga. Taga et-et-et-et-eta mahi laha du pese waga, du esbirix kau loba. Mahi fina rua ni piwakun tu kau loban et-et-et-et-etaaa sira saih, pa bosox banuh. Et-et-eta du piegon ganii, et-et-eta kadux oto sir nin bual, fina rua nii pee kadu, tuha du opi foli, gamna betu kami foli. Opi foli, tuha kampoq bagux nii da emdeal, pa taga epsian halux. Tuha pana-pana, tuha todo, enhero pa du platan tuha fina rua nii. Platan et-et-et-et-eta du emdao sepo fina rua nii, pe tu sira nini anat hisin nini oli saka oto sira. Molai sira dufa nini anato. Mo do dufar mo. Pee tu sepuh.