An Kasiaq Iko Weli
        By Unknown female narrator
        Selwadu
        July 14, 1987

Dohi An Kasian e tatix nax weli fixdii, paa da ix weli.

Da weli selax wae saa
et-et-etaaa da suba olon, pee tu da suba sapa Bokiflawa nax huma.  Suba
Bokiflawa nax huma, pee tu rine kalak e Bokiflawa, fen, "Bokiflawa, ku ptanak
e bana saa la yako, tu yako bridi tirin!"

Pee tu Bokiflawa prepa fene, "Ku iko
palex famahi tu geba sa na moo, tu yako emsikan."

Pee tu rin iko palex fixdii,
paa da suba saka.  Da suba saka, pa Bokiflawa xmasa ixnaan, pa d kaah.  Da kaa
sepo, da prepa qeih fene, "Kita ru iko pao wae la ku foi."

Pee tu siru iko
fapao wae.  Siru iko fapao wae, pa d foi pao nax wae, pa da puna Kaciliflawa
sakix.  Pee tu sirua kaweq.

Sirua kaweq, eta du kaweq bisuk e, An Kasiaq fene,
"Yako oli taga naq ina bae naq ama nax nilale."

Pee tu sirua oli suba lawe nax
ina nax nilale, nax ama nax nilale, pee tu bokiflawa fene, "An Kasian e, ka
punbodox yako fana e huma bifloo omon naa, do kita rua bage fixdoo?"

Rine
fene, "Yax oli asex fana naq ama nake nilale, moo do yako eptea fida kae--um
moxox!"

Pee tu Bokiflawa fene, "An Kasian, ku bobik e huma elex."

Pee tu An
Kasian bobix huma elen et-et-et-et-eta wae asan telo.

Pee tu rin suba faax
gidan, paa da kalax nax berkahadato fene, "Sinte yako do berkahadax mohe-mohe,
bajaulax mohe-mohe, moo do sinte berkahadax sa re-resen e, bajaulax sa
re-resen, do naq huma flawan datix beka!"

Pee tu huma flawan di datik e,
hansiak e huma kodon utu hansiak e huma wae asan telo di hansiax, tu nax sawax
rupa-rupa naa hansiax,tu nax wae tean iko tu nax wae tean oli tu nax wae kaba
"kukuyux!"

Pee tu rine prepa qeih fene, "Bokhena, ku xmasa ixnaan saa beka, la
geba hansiax kaa miti-miti!"

Umh!  Putriaflawa faaki pa d reka meja, pee tu
ixnaa masa-mhewa rupa alaq naa suba sepo panux miti-miti-miti, paa du baptea
di meja, pa gebar kaa hansiax panu miti-miti, geba nagri taun dii kaa sepo
panux miti-miti.  Paa du kaa sepo miti-miti, fidi asu, fidi fafu, kaa sepo
miti-miti, pee tu ii An Kasian e eprenta wae asan telo dii fidi naqan suba ax
olon!

Pee tu sepuh.

(Transcribed 11/20/87 from track 3 of Mukarehet tape 1 by
Joe Devin).