Skiel Lesbata
        Selwadu
        July 1987

A dohi geba bohox.

Geba bohox naa, riqe ptea msika-msikan paa da oto nax
waria.  Da oto nax warian ganaa, paa Murampaax tu nax anax jaga suba.  Riqe
eptea la huma, paa da bage et-et-etaaa fen aqa nax warian moho, paa da hosax
la da okoh, Murampaax tu nax anat e oko skihikor haix.  Pee tu du oli ganaa,
riqe hosax pee, da ix dohi, saa tehux mohe.  Do da hama wahan eta da dufar
oto--jaga oli o liax.  O lian fefan.

Pee tu da egu iwahen fixdii, pa da tafex.
Da tafex oto lian di fefan dii, sirua jaga xlaki pa du suba oko warian dii.

Pee
tu sup-supax ganaa, paa sirua suba la du oko pee, da bina nax anat aan fene,
"Ka leo leux laweh!  Yako pamori."

Nax anat aan exlaki leux falawe ganaa, paa
da suba la dodeso dii, tu da soo skehan, paa da ferik e egraga
et-et-et-et-etaaa . . .

Pee tu geba bohox caan aqa.  Da caan aqa pee, da taga.
Taga rabo-rabo fadae ganaa, suba dae pee, da aqak e Murampaax nax anax
bapsook.  Da olox fawe dii fisaka famahi, paa da sobi anat aan dii, paa da
bagega-gega pa rahe.

Supax-supax ganaa pee, da os baa ax Murampaax aki lian
fefan selex.  Da os baah aki, paa da sekax xdugax geba mtuan dii aki
et-et-et-et-eta da sek matax.

Da oli ganaa, pa da dohi nax warian e, da bag
meg-megex sakix.  Riqe fen, "Oo, tage tu ya naq warian jaga difux dii, tu geba
mtuan e Murampaax tu nax anat.

Sepu haix.

(Transcribed from track 2 of Selwadu boys tape).