"HOS MINAT"
        BY LAIQJIQ, OF RANA, AT LEKSULA, APRIL 1984.

DA LOMO E RAJASA NAX ANAT
E FEN LA D KAWEQ TUHA.  DA EMTAIX MO, ET-ET-ET-ETA GEBA N DI MATA FA PAO, DU
IX TEFAH DA TOH WAE.

PE TU RAJA DI NAX ANAX DI CIKU-CIKU-CIKU LEPAX-LOGOX NA,
FULAN TELO DA SUBA MO, TU DA EMTAKO.

HAAH.  DA IKO DAE WAE, PA DA PENLEHE.  DA
IKO DAE-DAE MO, DA AQAX HOSI SA BANEWEBEX-BEX-BETA DI GEBA BOHON AN DI KAPAN
LAHIN, PA FUAN EMSIAN.  HOS MINAT E.  ODO FUAN  EMSIAN.  DA IKO DAE-DAE MO, ,
DA AQAX SAKIX QEI HOSI DI.  HOSI DI BAGONE PA D BAGONE!  DA IKO DAE-DAE MO, DA
AQAX SAKIK E.  LALEN MASA TIRIN, DA SAKI P D LOPO HOSI AN DI, PA D KAAH.

DA
KAAH, PE TU AHIRNYA DA EXGALI TU HOSI DI.  GALI, PE TU NAX AMA EXNIKA FENE,
"KAE GALI TU SANE NA?"

FEN, "YAX KAA HOSI SA DAE DA BANEWE DI GEBA N DI KAPAN
LAHIN, PE TU A GALI TU HOSI DI TA.  TU GEBA DI HAMA YAKO MUSUN TELO LALEN.  PA
A GALI TU HOSI BAA.  HOS MINAT E."

PO ANAX DI JADI PAO, DU FALQAAX FEN
"LEMOQ-MANIS."

EEH.  RIQ NA OPO E TUAQ RAJA NA, GAJI LEBE HAAX FIDI NAX TAORO.
O, NAX TAORO JAGA-JAGA GEBA Q NA, KATEFEN MA TARO KIRA AKAL GAMDO NA LA MA
EXMATAH?  PE TU NAX TAOR KADUX DI, FENE, "TUAQ RAJA, SUPAN DO KA TAGA SAX
KANTOR E?  TAGA TU TEP LORAMA TELUN E.  KADUX TU TEP LORKAMA TELUN, TU KU
KADUX TU TEP LORAMA TELUN MO, DO TETAP DU EXMATA KA!"

LEA TAUN DI RIQE BAGE
MO, TU TAQIH.  KAA IXNAAN BU MOHE.  TAQI.  IKO TU TAQI, BAGE TU TAQI.  KALAX
TU IXNAA AKI NA, RIQE TAQI TERUS-TERUS.

NAX OPO E DA BAKALAX, LEMOQ-MANIS DI
KADUX FENE, "QOPO, DO KU TAQIX TENI HAAN DI?"

RIQE LIEN MOH-MOHE.

DI DA KADUX
SAKIX, PA DA EXNIKA, "QOPO, KA TAQI  TENIX HAAN DI?"

RIQE LIEN TEDEN MO, ETA
DA EXNIKA NAX OPO LALEN TELO, NAX OPO FEN, "KA TE YAX TAQI DI FETEX YAKO MO,
DO KAE HA LOLOX KA.  TU TOUK E PEGAWETO KADUX PA DU JANJI YAKO FEN SUPAN NA DO
A TAGA TU TE LORAMA TELUN SAX KANTOR.  ETA MO, DO DU EXMATA YAKO."

FEN, "KAE
HA DO!  KA TAQI II DIKAX SA MO, TU IX TAQI IOR LAGANO GAMDI TA!"

RIQE CAAN
AQA, DEQ SUPAN DI, ETA PARSIS LEA LAPAS TIFUN E, RIQ KEHAK ESPEDA PA  TA TAK
EMSAKA, PA MITI DI KUINIR MODANO, PA KAA KUINI WABEN, PA BARISUX WAENO DORO
LABUN HIBAN PUTAX-PUTAK.  DU KITA BETA RIQE, PE DU GAME.  SUBA DI FEN, "GAMDO?
NAM OPO TAGA TU TEP LORAMA TELUN MO?"   NIKA RIQE LALEN TELO.

PE TU RIQ SADE
FENE, "MEMAQ OPO LA D KADUX TU TEPU LORAMA TELUN E, BU DA SIBI YAKO FEN LEUX
FIDI KITA ANA EMHANA EXBANA, DO BOLE TU RIN KADUX TU TEPU LORAMA TELUN E.  ETA
ANA EMHANA EXBANA MO, ANA EMHANA EXGALI MO, , TU ODO ANAFINA, DO TEPU TOQI BU
GAMDIHE.  TEPU LORAMA TEWA EXBANA MO.  TEP TINAN MUSTI DA EXBANA.

A, SUDA!  PE
TU DU SIBI RIQE FEN, "KU  LELI LA NAM OPO."  FEN, "I I SA MO."

DA LELI FI
SAKA, PA DA SUBA PA NAX OPO FEN, "KAA IXNAAN BEKA!  TU KU BARA EMTAKO KUAX, TU
YA URUS BERES SEPUH HAIK.2

PE TU SEPUH.