"Geba esnain"
        By elus solisa
        April, 1984
        Probably at neat.

A dohi hakayaten naa, do geba na qaan Geba-esnain.
Geba-esnain naa, bal-balax da puna geba exkemat e, tapi da cikux pala.  Da
cikux pala, pee tu aqin.  Aqin kadux, na firix pitix nax pala fidi sisat.
Pee tu da prepa fen, "Aqin ina sipen naa, do!"  Terus difuk e gilin kahan.  Mo
do bal-balax geba esnai rua.  Tapi da eplumax aqin, pee tu  Difux esnain
kahan, pee tu da puna geba gilin emsian.  Kadan emsian, fahan emsian, raman
emsian, qaan na aqgota tuburo emsian, Pee tu da ptea-ptea, belex lalen.  Da
aqak e fafu, binataq, segala binataq naa, kadano tu fahano men-mene.  Nax
rokoro pe, bu gebar gerano naa, esnai rua-rua, paa ramano bu rua, kadano bu
rua.  Tapi riqe cuma kadan emsian, fahan emsian.

Pee tu satu waktu da iko
fidii, paa ta fili mua hunux mua.  Fen mo tu da ix hama Opo Lahtala.  Da suba
fafu sa babage.  Da exnikah fen, "Fafu, kae namu esnai rua naa, faham rua, ka
kadam rua naa, kae naa, do san sula kae eta ka kadam rua, faham rua naa?"

Fen,
"Tau e, ku bara exnika yako moo, tu a kaa gebaro nun hawaro, paa dosa beta
kon, paa a bage."

Fen, "He, aqa!  E i di ha aqa!"

Ehe, da iko.  Da iko eta da
suba sakik e geba.  Da suba, da exnika geba sa fene, "Kae naa, do ka kadam
rua, ka faham rua naa, do ka tewa Opo Lahtala naa, do nax elet fi do?  Tu yako
naa, do a ik hama Opo Lahtala la d sula selex fahaq-kadaq, tu yako na cuma
fahaqo emsian, kadaq emsian."

 Pee tu tewa moo, da exnika naa, da exnika
parsis Opo.  Opo prepa fene, "Ete ka hama Opo Lahtala, do Opo Lahtala ha na
yako.  Tapi pamorix do ku bara plumax aqin gamdi moo, tu yako.  Yax iko di
ta."  I naa, do da eplumax aqin.

 Pee tu Opo Lahtala esgedax fene, "Eta gamdi,
do ku ramboli."

Terus geba di ramboli.  Da ramboli sepo, da aqax fahan tu
kadan, fahan sahex tu kadan sahex, tu raman.   Pee tu tinan hansiak e, da puna
geba exkemax hansiak.

 Pee tu baa di, da prepa fene, "Pamorix mele i na aqin
iko paa kae eplumax ledax-ledax moo.  Tu aqin iko, do iqax tu yako di ta."

Pee tu sepuh.