Domi Wamese
        Selwadu
        July 12,1987

A iko betu Kanoq fixdae famahi, da xduax yako pa kam iko ix lata kisi.  Kam
finaa fasaka, Kanoq bina fene, "Kam ix bage dae Waeraman, la sup-supax dii,
kam ix lata kisi."

Sup-supax dii kam iko fadae kisi lahin.

Lata kisi gamaqnaa,
karo Kanoq lata kisi eta sepo, kam ix keha hama blafen.  Keha gamaqnaa, pa
kanoq exmata msian, yax kita saa oto kau luken.  Mata gamaqnaa, pa kam oli
tuhah.

Ka kam rua lata kisi kalir taono mohede.  Kam saki sakik, kam lata, pe
tu taon.

Kam oli gamaqnaa, fen supax-supax kam iko.  Yako iko tu naqoro, a
rasa du beha tirin.  Falawe gamaqnaa, la kam hihi faax wae snain kahan.  Yako
hihi aki xnelax pee (Domi stori tu enmalit),  a mano tu naq kisir.  A mano
falawe, sika Opo!  Betu bara Opo, do yax toq mano.  Mano lawe-lawe, a hufa
tene-eplabu tu tene-reqolo, pa kisir tu kali di mano.  Yako suba ox miax saa,
pa a ptoex pao miax, teme a siba qei ax miat olo haa-haa sa.  A bagrako aki,
pe tu a taqi.  A taqi gamaqnaa, pe tu kam lepa fixdii lepax.  Kali an di kisi
fohin baa.  Sa tehux mohe.

Lepa fixdii eta suba saka, yako fen ma lata kisi
jahux, la ma raix kis deqeno, la ma iiko, pe tu ma tahu kis jahux pao fohin.

Riq bina fen, "Ehe."

Lata-lata gamaqnaa, eta ser kali taun, pe tu ptaux.  Pe
tu kam oli.

Kam oli, yako lepax sax kaku, a mtai mo.  Pe tu sepo di tah.

        Domi Wamese
        Selwadu
        July 12, 1987

Yako da Rana, qama siux yako pa a ix fale kofan tehan.  Fale-fale mo, a aqax
i ha saa babage.  Do yax fale salax mo--kofan tehan mohede.  A egu dapan gamaq
naa, a sekah, tu i ha gamna emlo haax, pa a cike.  A basnabu psalak.  Snabu
psalax gamaqnaa, yako fen, "Opo, musix yako tu a cike pa a snabu psalax riqe
haix."

A sai sakix, pa a fale saa gamnaa, a aqax palex saa, i ha saa babage.

A
sekax riqe di gamaqnaa:  A sekah, a sex fakax kofan tehan ha naa, a fae emloko
tu dapan meget.  Delax waga lalen.  Waga haax gamaqnaa.  Da fadae, a etu
kakola wae, pa a tedeh dae.  Da falawe, kakola wae pa a tedeh lawe.  Ta fadae,
ta falawe, eta a teah baa tu sahin, pa a tea matak.

Sai sakix gamaqnaa, ya
seka saa, la a podoq gamaqnaa, da kaa faha.  Da kaa fahaq, a sberix pitix
fapao wae fohin.

Pee tu sepuh.